त्रिपुरारी त्रिविक्रम लॉकेटचे महत्त्व
आदर्श आध्यात्मिक स्थितीत मनः, प्राण आणि प्रज्ञा यांच्यात पूर्ण एकतानता/ एकात्मकता असते. मात्र, मनुष्य जेव्हा अहंकार, नकारात्मकता, भीती, इच्छा आणि भगवंताचे विस्मरण यांमध्ये भरकटतो, तेव्हा ही एकतानता बिघडते. मन अस्वस्थ होते, विवेकबुद्धी क्षीण होते आणि प्राणशक्तीचा र्हास होतो. या असंतुलनातून दुःख, संभ्रम, चिंता आणि आध्यात्मिक बळ कमी होते आणि अखेरीस जीवनातील अडथळ्यांचे/ संकटांचे ते मूळ कारण ठरते.
त्रिपुरारी त्रिविक्रमचे चिन्ह आपल्याला हा हरवलेला समतोल पुन्हा प्रस्थापित करण्याची सतत आठवण करून देते. ते आपले मन शुद्ध करण्यासाठी, योग्य आकलनाने बुद्धीला अधिक प्रगल्भ व सामर्थ्यवान बनविण्यासाठी तसेच भक्ती, सदाचरण व सद्गुरुकृपेच्या माध्यमातून प्राणशक्तीला ऊर्जावान करण्यासाठी ते आपल्याला प्रेरणा देते. म्हणूनच हे लॉकेट केवळ धारण करण्याचे प्रतीक नसून जीवनात आचरणात आणण्याचा एक आध्यात्मिक आदर्श आहे.
त्रिपुरारी त्रिविक्रम लॉकेट धारण करून श्रद्धावान हे सामंजस्य टिकवून ठेवण्याचा आणि या तीनही गोष्टी सद्गुरुंच्या चरणकमलांवर अर्पण करण्याचा मनोमन संकल्प करतो. माझे मन, प्राण आणि प्रज्ञा हे माझ्या सद्गुरुंच्या चरणकमलांवर समर्पित आहेत, हा श्रद्धावानांच्या अंतर्मनातील भाव व्यक्त करणारे ते एक प्रतीक आहे.
केवळ चिन्ह म्हणून परिधान करण्यापेक्षाही अधिक हा शरणागतीचा भाव आहे. सद्गुरुंच्या चरणकमलांवर केलेले पूर्ण समर्पण आणि आपले जीवन त्यांच्या दिव्य मार्गदर्शनाखाली आणि प्रेमळ अधिकाराखाली स्वेच्छेने सोपवणे, सद्गुरु हेच माझे एकमेव आश्रयस्थान आणि रक्षक म्हणून मनापासून स्वीकारणे, हे श्रद्धावानाचा शारण्यभाव प्रतिबिंबित करते. समर्पणाच्या याच भावनेने, श्रद्धावान दैनंदिन जीवनात बापूंच्या आश्वासक अस्तित्वाची अनुभूती घेतो, आणि बापूंशी असलेल्या अतूट नात्यातून श्रद्धावानाला सामर्थ्य, धैर्य आणि स्थैर्य प्राप्त होते.
त्रिपुरारी त्रिविक्रम लॉकेट परिधान करणे म्हणजे सद्गुरुंचे अस्तित्व हृदयाजवळ बाळगणे होय. हे प्रत्येक श्रद्धावानाला आश्वस्त करते की जीवन कुठेही घेऊन गेले तरी बापू, बापू आपल्या सोबतच असतात, आपले रक्षण करण्यासाठी, उचित मार्गदर्शन करण्यासाठी, बळ देण्यासाठी आणि प्रेमाने मला परमेश्वरी मार्गावर घेऊन जाण्यासाठी!
त्रिपुरारी त्रिविक्रम लॉकेटचे सर्व अनुभव पाहण्यासाठी येथे क्लिक करा


