શ્રી ત્રિપદા ગાયત્રી મહોત્સવ – સામૂહિક ઉપાસના
આવી ગાયત્રીમાતાની ઉપાસના માટે ‘શ્રી ત્રિપદા ગાયત્રી મહોત્સવ’નું આયોજન સદ્ગુરુ અનિરુદ્ધ બાપુના માર્ગદર્શન હેઠળ ૧૫ મે ૨૦૦૪ થી ૧૭ મે ૨૦૦૪ સુધી મુંબઈના અંધેરી સ્પોર્ટ્સ કૉમ્પ્લેક્સમાં કરવામાં આવ્યું હતું. આ મહોત્સવમાં દરરોજ સવારે ૮ વાગ્યાથી સાંજે ૭ વાગ્યા સુધી અખંડ રૂપે ગાયત્રી મંત્રનો જપ કરવામાં આવ્યો અને ત્રણ દિવસમાં કુલ ૩૭,૧૨,૪૭૦ વાર મંત્રોચ્ચાર થયો. લાખો શ્રદ્ધાવાનો આ ગાયત્રી પુરશ્ચરણ યાગમાં ભક્તિભાવપૂર્વક સહભાગી થયા.
મુખ્ય મંચ પર ગાયત્રીમાતાના પંચમુખી સ્વરૂપના ચિત્રની સ્થાપના બાપુએ કરી હતી અને મહોત્સવના ત્રણેય દિવસ બાપુએ ગાયત્રીમાતાની આરતી પણ કરી.

ત્રિપદા ગાયત્રી મંત્ર
મહોત્સવમાં દરેક જપકર્તાને ગાયત્રીમાતાની મૂર્તિનું પૂજન કરવાનો લાભ પ્રાપ્ત થયો. શ્રી ગાયત્રી પુરશ્ચરણ યાગ દરમિયાન ત્રણેય દિવસ ‘ત્રિપદા ગાયત્રી મંત્ર’નો જપ કરવામાં આવ્યો.
ત્રિપદા ગાયત્રી મંત્ર :
ॐ भूर्भुवः स्वः तत्सवितुर्वरेण्यं |
भर्गो देवस्य धीमहि धियो यो नः प्रचोदयात् ॥(ૐ ભૂર્ભુવઃ સ્વઃ તત્સવિતુર્વરેણ્યં ભર્ગો દેવસ્ય ધીમહિ ધિયો યો નઃ પ્રચોદયાત્)
પ્રણવમાંથી ઉત્પન્ન થયેલી પૃથ્વી, અંતરિક્ષ અને સ્વર્ગથી પણ પરે સ્થિત આ સવિતૃદેવના શ્રેષ્ઠ તેજનું, પાપોને ભસ્મ કરનારા તેજનું આપણે ધ્યાન ધરીએ છીએ. તેઓ આપણી બુદ્ધિને પ્રેરિત કરે.
ગાયત્રીમાતાની સ્થૂળ કૃપા મનુષ્યના અભ્યાસ, પરિશ્રમ અને લગન જેવા ગુણોને કારણે જ પ્રાપ્ત થાય છે, તેમ છતાં એ ક્ષેત્રમાં ‘ધ્રુવસ્થિતિ’ અર્થાત અટલ પદ પ્રદાન કરનારી ગાયત્રીમાતાની સૂક્ષ્મ કૃપા મનુષ્યમાં ઉપરોક્ત ગુણોની સાથે શ્રદ્ધા હોય ત્યારે જ પ્રાપ્ત થાય છે. અને આ શ્રદ્ધા જેમ જેમ એ મનુષ્યને પવિત્ર કરતી જાય છે, તેમ તેમ ગાયત્રીમાતાની તરલ કૃપા દૈવી ગુણોના માધ્યમથી એ મનુષ્યને સહાયતા કરતી રહે છે.

ગાયત્રીમાતાની કૃપા પ્રાપ્ત કરવા માટે ત્રણ સાધનાઓ
મનુષ્ય નીચેની ત્રણ સાધનાઓ દ્વારા ગાયત્રીમાતાની કૃપા પ્રાપ્ત કરી શકે છે:
- ૧. બ્રહ્મમુહૂર્તમાં શ્રીગાયત્રી મંત્રનો નિરંતર ૧૦૮ વાર પાઠ.
- ૨. ત્રણેય સમયે સ્નાન કર્યા પછી શ્રીગાયત્રી મંત્રનો દરેક વખતે ૨૪ વાર પાઠ.
- ૩. શ્રીગાયત્રીમાતાના પુત્રની નિશ્ચલ ભક્તિ.
શુચિર્ભૂત થઈને, પ્રેમ અને પવિત્ર ઉદ્દેશ સાથે ત્રિપદા ગાયત્રી મંત્રનો નિત્ય જપ કરવો એ જ ગાયત્રીસ્વરૂપની સર્વશ્રેષ્ઠ ઉપાસના છે. ગાયત્રી મંત્રના જપથી અત્યંત સામાન્ય મનુષ્યની સામાન્ય બુદ્ધિ પણ ઉત્તરોત્તર વિકસતી જાય છે અને એ જ કલ્યાણનો માર્ગ છે.”

સદ્ગુરુનો પવિત્ર મંત્ર
ઉત્સવમાં બીજી તરફ સદ્ગુરુ ગાયત્રી મંત્રનો પાઠ ચાલી રહ્યો હતો. આ સદ્ગુરુ ગાયત્રી મંત્ર આ પ્રમાણે છે -
ॐ मनः प्राणः प्रज्ञा ।
ॐ तद्गुरुदत्तस्य सौम्यं स्निग्धं गुरुर्तेजो धीमहि ।
रामे चित्तलयः भवन्तु नः
ओजः अनिरुद्धरामः प्रचोदयात् ॐ ॥(ૐ મનઃ પ્રાણઃ પ્રજ્ઞા |
ૐ તદ્ગુરુદત્તસ્ય સૌમ્યં સ્નિગ્ધં ગુરુર્તેજો ધીમહિ |
રામે ચિત્તલયઃ ભવન્તુ નઃ
ઓજઃ અનિરુદ્ધરામઃ પ્રચોદયાત્ ૐ ||)
શ્રદ્ધાવાનો ત્રિપદા ગાયત્રી મંત્રનો પાઠ કર્યા પછી અહીં આવીને પોતાના સદ્ગુરુના ગાયત્રી મંત્રનો પણ અતિશય ભક્તિભાવપૂર્વક પાઠ કરતા હતા.












